mir sind jetzt ebä die....


Tomtom

Tja, dä Tomtom.....wer ihn kännt - de kännt ihn :-)

Immer wieder für e Überraschig parat und mit viel verstecktä Talänt spielt er verschiedenschti Instrumänt i dä Band. Es isch immer öppis los wenn mer mit ihm unterwäx isch und es wird ganz sicher nid langwiilig.

Jahrgang 1978 - wie dä Ashton Kutcher, Oli Pocher und no ganz viel andere Clowns wo i dem Jahr usegflutscht sind. Da au i dem besagte Jahr "Grease" entstande isch oder d'Bee Gee's mit em Song "Saturday Night Fever" en grosse Hit glandet händ - isch es wohl klar dass au dä Tomtom sini Finger nid chan vo dä Musig-Instrumänt lah....

 

Marius

hmmm....isch ja klar dass es mitem Marius au nid soooo langwiilig isch. Immer für en Spass z'ha und scho als Chind het er sich müesse säge lah dass er wohl immer s'letschtä Wort het. Immer en passende Spruch uf Lager so dass jedä weiss uf was er sich iilaht.

Als chline Chnopf scho s'Sackgäld mit Handorgelä spielä verdient und gli scho Taschte am Klavier tanze lah. Siteme Ziitli no Gitarre und Bluesharp derzue cho und scho isch es passiert mit dä 99-er.

Jahrgang 1973 - das erinneret natürlich an grosse Hit "Smoke on the Water" wo in Montreux dur Deep Purple entstande isch oder d'Rolling Stones mit em Titel "Angie" eimal meh zeiged hend was sie druff hend. Aaaalso - ROCK'N ROOOLL !!

 
 
Kili

Euses neuschtä Band-Mitglied isch dä Kilian.  A de Badefahrt 2017 het er s'erschtmal mit Eus en Gig gha und sither isch er nümme weg z'dänke.

E wahrhaftigi Bericherig für d'99-er. Mit sinerä Bassline, Gitarre und Bluesharp, verbunde demit dass au er keis "Kind der Traurigkeit" isch, passt er nahezu perfekt i Eusi Truppe.

 

Gianni (auch Güx genannt)

dä Gian-Luca isch Euse Tontechniker. Alles was mit Mischpult, Kabel und Mikrofon z'tue het isch sis Gebiet. Bi sämtliche Gig's dörfed mir uf ihn zähle und sind dankbar dass euse "Güx" eus in dem Bereich unterstützt.

Mir hend euse Güx a eusne Gig's :-)


Bi verschiedene Uftritt dörfed mir jewiils Gaschtmusiker iilade wo Ihres Könne mit Eus tüend teile. Ihr erfahred das natürlich immer unter dä News-Siite wo wänn mit wem was los isch...